Жалал-Абад шаарында облустук Кургак учукка каршы күрөшүү борборунун 3 кабаттуу имаратынын курулушу жүрүп жатат.
Муниципалитеттен билдиришкендей, аталган борбордун жаңы имараты 96 орунга ылайыкташып, бардык шарттары менен курулуп, ушул жылдын октябрь айында бүткөрүлөт.
Белгилей кетсек, аталган оорукананын курулушуна 264 млн сом акча каражаты сарпталууда. Курулуш республикалык бюджеттен Жалал-Абад шаарына бөлүнгөн 2 млрд сом акча каражатынын эсебинен каржыланып жатат.
