Бүгүн Кыргызстандын мамлекеттик жана муниципалдык кызматкерлеринин кесиптик майрамы белгиленүүдө. Бул күнгө карата Улуттук статистика комитети атайын маалыматтарды чогулткан.
Мамлекеттик жана муниципалдык башкаруунун ролун жогорулатуу максатында, ошондой эле мамлекеттик жана муниципалдык кызматтын өлкөнү өнүктүрүү процессине кошкон салымын эске алуу менен КР өкмөтүнүн 2017-жылдын 4-январындагы токтому менен КРнын мамлекеттик жана муниципалдык кызматынын кызматкерлеринин күнү белгиленген.
2023-жылдын башына карата Кыргызстандын мамлекеттик кызматчыларынын саны (коргонууну, коомдук тартипти жана коопсуздукту камсыз кылуучу мамлекеттик органдардын маалыматтарын эске албаганда) 18 миңден ашык адамды түздү, алардын 41 пайыздан ашыгы аялдарга туура келди.
