Баткен шаарында талапка жооп бербеген беш стоматологиялык борбор жабылды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирет.
Маалыматка ылайык, Баткендеги тиш дарылоочу жайлардагы лицензиялык талаптардын аткарылышы боюнча текшерүү иштери жүргүзүлгөн.
Жыйынтыгында 2023-жылдын январь айынан баштап 5 ай ичинде Баткен шаарындагы талапка жооп бербеген 5 жеке стоматологиялык борбор жабылды.
