Бишкек шаардык мэриясы шаардагы суу тартыштыгына байланыштуу кырдаалды жана аны чечүү жолдорун айтып берди. Муниципалитеттен билдиришкендей, техникалык кеңештин жыйындары жана борбор калаанын мэри Эмилбек Абдыкадыровдун катышуусунда бир нече ирет жыйындар өткөрүлүп, анда Арча-Бешик конушуна сууну өткөрүү боюнча тапшырмалар берилген. “Бишкексууканал” башкармалыгы өзүнүн компетенциясынын чегинде кырдаалды турукташтыруу боюнча чараларды көрөт. Ичүүчү сууну керектөөчүлөрдүн өсүшү, ошондой эле …
Өзгөн районунун Айгыржал айылындагы Кемпир-Абад суу сактагычына 19 жаштагы жигит чөгүп кетти. Бул тууралуу Өзгөчө кырдаалдар министрлиги билдирет. Маалыматка ылайык, билдирүү түшөр замат жерине 10 куткаруучу тартылган. Алар жигиттин сөөгүн суудан чыгарып, милиция кызматкерлерине өткөрүп беришкен.
Түркиянын президенти Режеп Тайып Эрдоган Орусия менен Украинанын президенттери менен телефон аркылуу сүйлөшүп, Кахов ГЭСинин дамбасынын жарылышын иликтөө боюнча комиссия түзүүнү сунуштады. Бул тууралуу Hurriyet басылмасы жазды. Эрдогандын айтымында, иликтөөгө согушуп жаткан тараптардын эксперттери, БУУнун жана эл аралык коомчулуктун өкүлдөрү да кошулушу керек. Түрк президенти Анкара иликтөө жүргүзүү үчүн колдон келген аракетин кылууга даяр экенин …
Кыргызстанда банкка аманатка акча салгандар үчүн кепилдик учур пайда болгондо төлөнүүчү кенемтенин көлөмү көбөйтүлдү. Бул тууралуу «Кабар» агенттигинде өткөн маалымат жыйынында КР Аманаттарды коргоо агенттигинин аткаруучу директору Кадырбек Букуев билдирди. Анын айтымында, тиешелүү мыйзам Жогорку Кеңеш тарабынан кабыл алынып, ага КР президенти үстүбүздөгү жылы 23-майда кол койгон. «Ага ылайык, 10-июндан тартып аманатчы акча салган банк же …
Бишкек шаарынын вице-мэри Жыргалбек Шамыралиев калаадагы суу тартыштыгына байланыштуу кырдаалды жана аны чечүү жолдорун айтып берди. Govori.TVнын «Майдан» дебатында сөз сүйлөгөн вице-мэри Шамыралиев жогорудагы жаралган көйгөйдү чечүү үчүн алдыга коюлган пландар бар экенин, ал эми маселе көп жылдан бери келе жатканын кошумчалады. Вице-мэрдин айтымында шаар кеңейгени менен инфраструктура эскирип жатканы негизги көйгөй болууда.
Ысык-Көл жана Талас облустарынын мугалимдерине «Коомчулукта радикалдашууну жана диний экстремизмди алдын алууда мамлекеттик органдар менен иштѳѳнүн теориялык жана практикалык негиздери» аталыштагы семинар ѳткѳрүлдү. Ички иштер министрлигинин Экстремизмге жана мыйзамсыз миграцияга каршы аракеттенүү боюнча кызматынын демилгеси менен менен өткөн иш-чарага негизинен мектептерде дин таануу боюнча сабак берген мугалимдер, социалдык педагогдор катышкан. Семинарды ИИМдин ЭММКАКтын улук ыйгарым …
Каркыра жайлоосунда милициянын убактылуу посту ачылды. Ысык-Көл облустук милициясынан билдиришкендей, жай мезгилинин келиши менен Түп жана Ак-Суу райондорунун көптөгөн малчылары Каркыранын жайлоосуна көчө башташты. Мал уурулук фактыларын болтурбоо, ошондой эле ар кандай укук бузуулардын алдын алуу жана жол бербөө максатында, жыл сайын Түп районунун «Башарын» тилкесинде, милициянын убактылуу постунун иш уюштурулуп келет. Аталган постто бекитилген …
Таш-Көмүр шаарынын аймагындагы агын сууларда, көлмөлөрдө сууга түшүүгө мүмкүн эмес экендиги эскертилүүдө. Өзгөчө кырдаалдар министрлигинен билдиришкендей, жарандар арасында түшүндүрүү иштерин өзгөчө кырдаалдар бөлүмү шаардык милициянын кызматкерлери менен биргеликте жүргүзүүдө. Мындан сырткары, сууга түшүүгө кооптуу болгон аймактарга эскертүү тактайчалары орнотулуп, жеке көлмөлөрдү уюштурган жарандарга эскертүү нускамалары берилди.
Ак-Суу районунун Октябрь айыл аймагынын Маман айылында «KOICA» долбоору менен «Маман Органик» айыл чарба кооперативи дары чөптөрдү кургатуучу цехтин курулушун баштады. Бул тууралуу президенттин Ысык-Көл облусундагы өкүлчүлүгүнүн басма сөз кызматынан билдиришти. Иш-чарага Түштүк Кореянын Кыргызстандагы элчиси Ли Чон Чжэ, Ысык-Көл облусунун башчысы Илияз Иманбетов, жергиликтүү бийлик өкүлдөрү жана айыл тургундары катышты. «Маман Органик” айыл чарба …
Жалал-Абад облусунун Сузак районуна караштуу Винсовхоз айылында чайканадан өрт чыккан. Өзгөчө кырдаалдар министрлигинин басма сөз кызматынан билдиришкендей, А.Нураков №1 көчөсүндөгү жалпы аянты 308 чарчы метрди түзгөн чайкана толугу менен күйүп кеткен. Өрттү өчүрүүгө жалпы 3 бөлүм тартылып, таңкы саат 05:01де жалын толугу менен өчүрүлгөн. Кырсык катталган жерден куткаруучулар 59 жана 87 жаштагы адамдардын сөөгүн таап, …
