Быйыл Бишкекте Балдарды коргоонун эл аралык күнү өзгөчө белгиленди.
Балдарга жана ата-энелерине этнооюндар, шашки, шахмат жана улуттук оюндар боюнча турнир, көркөм искусство боюнча мастер-класстар, цирк, аквагрим, ыр, бий жана сүрөт боюнча сынактар тартууланды.
Балдардын III Эл аралык «Наристе» фольклордук фестивалынын катышуучуларынын түстүү парады Чүй проспектиси менен аянтка чейин өттү.
Программанын өзгөчөлүгү балдардын интернет-контентинин сегментинде феноменге айланган DBillions музыкалык тобунун аткаруусу болду. Ага миңдеген жарандар келгенин көрүүгө болот.
