Социалдык фонддун коомчулук менен иш алып баруу башкармалыгына 2023-жылдын январь-май айларында 4 миң 315 кайрылуу келип түшкөн.
Ведомствонун басма сөз кызматынан билдиришкендей, анын ичинде:
- жазуу түрүндө кайрылуулар – 155;
- ооз эки кайрылуулар – 479;
- электрондук кайрылуулар – 89;
- Соцфонддун жетекчилиги тарабынын кабыл алынды – 54 жаран;
- ишеним телефондор аркылуу – 2376;
- уюлдук ишеним телефону аркылуу – 1162.
Жарандардын жазуу жүзүндөгү (электрондук, оозеки) кайрылуулардын тематикасы боюнча төмөнкү багыттарда суроолор келип түшөт:
- пенсиялардын өлчөмдөрүн жогорулатуу жөнүндө;
- мамлекеттик социалдык камсыздандыруу жөнүндө;
- пенсияларды индексациялоо тууралуу;
- пенсияга укугу боюнча;
- пенсия чектөө, пенсияларды өз убагында төлөө жана туура эсептөө тууралуу;
- пенсиянын өчөмүнө кайра эсептөө боюнча;
- пенсиянын топтоо бөлүгүндө пенсиялык топтоолорун чектөө жана төлөө жөнүндө;
- Соцфонддун ишмердүүлүгү боюнча башка суроолор.
Социалдык камсыздандыруу жана пенсия менен камсыз кылуу жөнүндө келип түшкөн бардык суроолор боюнча мамлекеттик жана расмий тилде жеткиликтүү жооптор берилип келүүдө.
