Милициянын кайгуул кызмат башкармалыгынын кызматкерлери Бишкектеги орто билим берүү мектептерде кайгуулдарды уюштуруп жатышат.
Башкармалыктын кызматкерлери бүгүн Бишкек шаарындагы мектептерге бөлүнүп, жол коопсуздугун камсыз кылууда.
Ошондой эле кызматкерлер мектептеги иш-чарага катышып, окуучулар жана ата-энелер менен жолугушууларды өткөрүшүүдө.
«Бүтүрүүчүлөр майрамдык маанай менен атайын унааларды жалдап, эс алуучу жаратылыш жайларына, түнкүсүн кафе, клуб, ресторандарга чогулуп, ичимдик ичип, унаа башкарып мыйзамсыз иштерге катышып калбоосун эскертишүүдө», – айтылат маалыматта.
Рейддин максаты жаш өспүрүмдөрдүн жол кырсыктарына жана мыйзам бузууларга кабылуусун алдын алууга багытталган.
