Жалал-Абад шаарынын аймагындагы коомдук тамактануучу жайлар, тез татым жайлары, чачкынды соода жайларында сатылып жаткан тамак-аштар текшерүүгө алынды.
Шаардык мэриядан билдиришкендей, текшерүү жайкы мезгилде массалык уулануулардын алдын алуу максатында жүргүзүлдү.
Рейдге Жалал-Абад шаарынын мэринин орун басары Гүлбарчын Таштанбекова, шаардык оорулардын алдын алуу жана мамлекттик санитардык-эпидемиологиялык көзөмөлдөө борборунун, тиешелүү мекеме-ишканалардын өкүлдөрү катышты.
Текшерүүнүнүн жүрүшүндө шаардагы бир катар тез татым жайларында санитардык эрежелер толук сакталбагандыгы, кызматкерлердин санитардык китепчелери жоктугу жана азык-түлүктөрдүн сактоо эрежелери талапка жооп бербегендиги аныкталды.
Мындай текшерүүлөр улантылат.
